Лукашенко Украинанын чек арасында орус-беларус машыгуусу өтөрүн жарыялады

Беларустун батыш жана түштүк чек араларында – Польша менен Украина менен чектешкен жерлерде Орусия менен Беларустун куралдуу күчтөрүнүн биргелешкен машыгуулары өтөт. Бул тууралуу Александр Лукашенко кабарлап, анын себебин украин-беларус чек арасына Киев аскерлерин тартып жатканы менен түшүндүрдү. Анын маалыматына караганда, машыгууларды өткөрүүнү Лукашенко Орусиянын президенти Владимир Путин менен декабрда макулдашкан. Дүйшөмбү күнү анын ыкчам максаттары аныкталган. БелТА агенттиги Лукашенконун айткандарына таянып жазгандай...