Әгерҗе районында йөзләп сыерны янгыннан коткарганнар
Татарстанның Әгерҗе районында бер фермада янгын чыккан. Лапаста йөзләп сыер булган. Аларны уттан алып чыгарга өлгергәннәр. Бу турыда «Татар-информ» агентлыгына Россия Гадәттән тыш хәлләр министрлыгының Татарстан буенча Баш идарәсенең матбугат хезмәтендә хәбәр иттеләр.
18 гыйнварда ферма түбәсендә янгын чыга. 112 бердәм номерына шул хакта 14.41 сәгатьтә шалтыратып әйтәләр. Урынга килеп җиткән янгын сүндерүчеләр түбәнең пыскып ятуын, бина эченә төтен тулуын күреп ала.
Алар утка таралырга ирек бирми.
Заголовки