Журналист Тихонов өзін 2019 жылы "тілшілерге шабуыл ісі" бойынша полицияға шақырғанын айтты

Қазақстандық журналист, Адам құқықтары бюросының қызметкері Дмитрий Тихонов Фейсбук парақшасында WhatsApp арқылы полицияға шақырту алғанын жазды. Ол өзін 2019 жылы бюро ғимаратында тілшілер мен құқық қорғаушыларға жасалған шабуылға қатысты қылмыстық іске орай шақырған болуы мүмкін деп топшылайды.  – Бүгін [түске дейін] тергеуші Смайылхан ұялы телефоныма хабарласып, Әуезов аудандық полиция басқармасы жанындағы бөлімшеге шақырды. Шақырту қағазын сұрап едім, маған WhatsApp арқылы жіберді. Шақырту қағазында "жәбірленуші" мен "күдікті" бар.