Нияз Таипов: «Чаңгы ялкауларны яратмый» 

Ниязны күрү теләге белән Байлар Сабасы бистәсенең «Ямьле Саба» яр буена килдем. Биредә чыж да выж чаңгычылар узыша. Аерып та булмый үзләрен, барысы да төз гәүдәле, зур кара күзлектән, очар кошлар тизлегендә узалар да китәләр. Чаңгычы Ниязны аера да алмаган булыр идем, ярый әле үзе килеп дәште, ачык күңелле, ярдәмгә ашыгып торучы егет икән.   Нияз, ничек сиңа трасса? Трасса әйбәт.  Нинди һава торышы булганда трассаның иң шәп вакыты? Ун градус тирәсендә трасса каты була, шуарга рәхәт. Ә җылыда, менә бүгенге шикелле минус өчләрдә җылысы рәхәтрәк.