Пік эпідэміі каронавіруснай інфекцыі COVID-19 прайшла амаль палова насельніцтва Беларусі, паведаміла намеснік міністра аховы здароўя Алена Богдан падчас наведвання Берасцейскай вобласці ў ходзе рэспубліканскага маніторынгу 5 чэрвеня.
«Менск ужо прайшоў верхавіну і ідзе на зніжэнне. Менская і Віцебская вобласці прайшлі гэтак жа. Гэта значыць фактычна 40–45% насельніцтва рэспублікі гэты этап прайшлі, – цытуе чыноўніцу прэс-служба Міністэрства аховы здароўя. – Калі пройдзе Берасцейская вобласць, у нас будзе бліжэй да 60%».