WhatsAppнинг миллионлаб фойдаланувчилари Telegram ва Signal га кўчиб ўтмоқда

WhatsApp мессенжеридан фойдаланиш шартларининг янгиланиши миллионлаб фойдаланувчиларни Telegram ва Signal каби муқобил хизматларга ўтиб кетишига сабаб бўлди, деб ёзмоқда The Guardian нашри. Буюк Британия парламентининг ички ишлар қўмитаси маълумотига кўра, январнинг дастлабки уч ҳафтасида Signal фойдаланувчилари сони 7,5 миллионга кўпайган, Telegram мессенжерига эса 25 миллион нафарга яқин фойдаланувчи қўшилган. Бу икки мессенжерлардаги ўсиш WhatsApp фойдаланувчиларининг эвазига бўлган, деб таъкидлайди нашр.