Тошкент вилояти Қибрай туманида икки кишининг ўлимига сабабчи бўлган портлаш газ қувурининг монтаж ишлари ўта сифатсиз амалга оширилганлиги оқибатида юз берди. Бош прокуратуранинг хабар беришича, мазкур ҳодиса юзасидан жиноят иши қўзғатилди.
“Тошкент вилояти прокуратураси ўтказган терговга қадар текширишда газ чақнаши юз берган уй ёнида ўрнатилган юқори босимли газ тақсимлаш мосламаси (ГТМ)га уланган ва еростидан ўтказилган полиэтилен газ қувурининг монтаж ишлари ўта сифатсиз амалга оширилганлиги аниқланган”,-дейилади расмий хабарда.