Ульяновск татарлары фаҗигале үлгән көрәшче, эшмәкәр, меценат Рәмис Садиевны искә алды

(Казан, 22 октябрь, «Татар-информ»). Ульяновск татарларының «Өмет» газетасында И.Хасибов танылган көрәшче Рәмис Садиевны искә алучы кичәсе турыда яза. Танылган спортчы һәм көрәшче, эшмәкәр һәм меценат Рәмис Сәит улы Садиевның фаҗигале рәвештә безнең арабыздан китүенә быел тугыз ел була. Игелекле эшләре белән үзеннән соң якты эз, кешеләр күңелендә матур истәлекләр калдырган шәхесне якыннары һәм тугрылыклы дуслары онытмыйлар. Шушы көннәрдә генә алар шәһәребезнең «Корона» хәләл ризыклар ресторанында бергәләп корбан мәҗлесе үткәрделәр.