Тәтеш районында яшь гаилә ротангтан төрле җиһазлар үрү белән шөгыльләнә

(Тәтеш, 19 июнь, «Татар-информ», «Тәтеш таннары» ). Тәтештән Ирина һәм Сергей Тойкиннарны күпләр белә, тик аларның ясалма ротангтан төрле әйберләр үрүләре кайбер шәһәрлеләр өчен ачыш булачак. «Ротангтан үрелгән җиһазларга мәхәббәт күптән „килеп чыкты“, ә аны тормышка ашыру — минем зур хыялым иде. Башта нидән башларга белмәдем, һәм 3 ел элек җиһаз үрү буенча укыту курслары турында белеп алдым. Озак уйламадым. Иремне укырга күндердем, кешеләрдән акча алып тордым, бөтен кирәкле материаллар һәм эш кораллары сатып алдым.