Мамадыш районы басуларындагы уҗымның яртысы һәлак булган

(Казан, 11 май, «Татар-информ», Гөлүзә Ибраһимова). Татарстанның Авыл хуҗалыгы һәм азык-төлек министрлыгы иң зур күләмдә зыян күргән уҗым мәйданнарын атады. Мамадыш районындагы уҗымның яртысы зыян күргән. «Көздән 552 мең гектар мәйданда уҗым культуралары чәчелде. 435 мең гектарда көзге бодай, 111 мең гектарда көзге арыш. Аларның торышын кабат тикшердек. Ун проценттан артыгы канәгатьләндерерлек хәлдә түгел. Уҗымнар һәлак булган иң зур мәйданнар Мамадыш районында — 50 процент, Чүпрәле — 36 процент...