Быел «Мин татарча сөйләшәм» акциясендә АИГЕЛ татарча гына җырлаячак

(Казан, 20 апрель, «Татар-информ», Зилә Мөбәрәкшина). Казанда яшәүче текстлар авторы Айгөл Гайсина һәм Санкт-Петербург музыканты Илья Барамиянең «АИГЕЛ» иҗади дуэты быел «Мин татарча сөйләшәм» акциясендә татар телендә генә чыгыш ясаячак. Дуэт башка елларда җырларын рус һәм татар телләрендә тәкъдим итә иде. «Фестивальнең махсус кунагы — „АИГЕЛ“ электрон хип-хоп дуэт дуэты. „Вечерний Ургант“ тапшыруында төркем татарча җырлардан төзелгән яңа „Пыяла“ альбомын тәкъдим иткән иде. Моннан тыш, күп дуэтлар...