Бәйрәкә авылы тарихы китабын язганда авылга нигез салынган көн ачыкланган

(Казан, 16 апрель, «Татар-информ», Рифат Каюмов). Ютазы районы Бәйрәкә авылы тарихы китабын язганда архив материалларыннан авылга рәсми рәвештә нигез салынган көн ачыкланган. Ул 1749 елның 9 сентябренә туры килә. Күптән түгел Татарстан Республикасы Ютазы районының Бәйрәкә авылы тарихына багышланган китап дөнья күргән. Бөтендөнья татар конгрессы әлеге басманы җәмәгатьчелеккә тәкъдим итте. «Авылда тарих белән кызыксынган өч кеше очрашса, тарихны өчесе өч төрле сөйли. Китап чыккач, авыл халкы өчен зур фәнни ачыш булды...