Габдулла Тукай музеенда яшь рәссамнар күргәзмәсе ачылды

(Казан, 16 апрель, «Татар-информ», Гөлнар Гарифуллина). Казанда Габдулла Тукай әдәби музеенда «Габдулла Тукай: яшьләр карашы» яшь рәссамнар күргәзмәсе ачылды. Ул 3 майга кадәр эшләячәк. «Яшьләр Тукайның образын, аның әсәрләре образларын ничек күзаллый — безгә менә шул кызык булды. Шулай ук, күргәзмәдә татар милли традицияләрен алга сөрүче эшләр дә бар», — дип ачып җибәрде Тукай музее директоры Гүзәл Төхвәтова. Күргәзмәгә 16 яшьтән алып 35 яшькә кадәрге рәссамнарның эшләре кабул ителгән. «Күргәзмәне ел башыннан планлаштырган идек.