Казанда татар телен өйрәтү проектын тәкъдим итүчеләргә бер миллион сум биреләчәк

(Казан, 13 апрель, «Татар-информ», Зилә Мөбәрәкшина). Казан башкарма комитеты татар телен өйрәтү буенча проект төзегән яшьләргә «Үз телем» бәйгесен игълан итә. «Үз телем» конкурсы мәктәп укучылары, студентлар һәм 35 яшькә кадәр яшьләр арасында үткәрелә. Проектка бер миллион сум акча бүлеп бирелде. Гаризаларны бишенче апрельдән кабул итә башладык. 1-17 майда проектны сайлап алу туры булачак», — диде «Татар-информ»да матбугат очрашуында Казан башкарма комитетының аналитика бүлеге җитәкчесе Люция Закирова.