Түбән Камада елына 60 кеше янгын сүндерүче һөнәрен үзләштерә алачак
(Казан, 25 февраль, «Татар-информ»). Түбән Камада 37нче янгын-коткару бүлеге базасында «янгын сүндерүче» белгечлегенә уку мөмкинлеге барлыкка килде. Уку пунктының үз филиалы булу елына 60 кешедән торган 2 төркем әзерләргә мөмкинлек бирәчәк.
Уку пункты карамагында — лекторий, компьютер классы, янгын башнясы булган спорт манежы, укыту-шөгыльләнү полигоны, ГДЗС базасы һәм җылылык-төтен камералары. Бу турыда Түбән Кама муниципаль районы рәсми сайты нда хәбәр ителә.
Бүгенге көндә 107 хезмәткәр «янгын сүндерүче» белгечлеге буенча укуга мохтаҗ.
Заголовки