Спас районында социаль такси барлыкка киләчәк

(Казан, 23 гыйнвар, «Татар-информ»). Спас районының Свято-Авраамиевский храмы Президент грантлары фонды конкурсында җиңде. Яңа проект нигезендә, социаль транспорт хезмәтләреннән аз тәэмин ителгән һәм Казан хастаханәләрендә дәвалануга мохтаҗ кешеләр дә файдалана алачак. Проект җитәкчесе — протоиерей Алексий Әхмәтҗанов сөйләвенчә, идея руханилар бер өлкән яшьтәге хатын-кызның проблемалары турында белгәннән соң туган. Спас районында андый кешеләр аз түгел. Күпләр җитди авыруга шикләнгән очракта да тулы медицина тикшеренүе үтәргә теләми.