«Россия тәмнәре» конкурсында «Какланган татар казы» өчен тавыш бирергә була

(Казан, 23 ноябрь, «Татар-информ»). Татарстан Авыл хуҗалыгы һәм азык-төлек министрлыгы ярдәме белән «Агро Лидер» авыл хуҗалыгы җитештерү-сату кулланучылар кооперативы «Россия тәмнәре» төбәк брендларының беренче илкүләм конкурсына «какланган татар казын» тәкъдим итте. «Вкусы России» сайтында 19 ноябрьдән 2 декабрьгә кадәр халык тавыш бирүе бара. Бу турыда министрлык хәбәр итә. Какланган каз өчен биредә тавыш биреп була. Какланган каз — Идел буе һәм Урал төрки халыкларының (татарлар, башкортлар һәм башкалар) классик милли ризыгы.