Alekseý Nawalny Saharow baýragyny korrupsiýa garşy göreşijilere bagyşlady

Alekseý Nawalny özüne berlen Andreý Saharow baýragyny "bütin dünýäde we islendik görnüşde korrupsiýa garşy göreşijilere" bagyşlady. Bu habar dördünji gün syýasatçynyň sosial ulgamlarynda peýda boldy. Çap edilen bellikde “žurnalistlerden aklawçylara çenli, emeldarlardan we deputatlardan başlap, bu göreşi goldamak üçin köçelere çykýan” ähli göreşiji hakynda gürrüň edilýär. "Biraz gorkunç bolan pursatlarynda hem olara tutanýerlilik we gaýduwsyzlyk arzuw edýärin" diýip, oppozisioner sözüniň üstüni ýetirýär.