Maryda bazarlar gaýtadan ýapylýar, arassaçylyk güýçlendirildi

Mary welaýatynda koronawirus çäklendirmeleriniň arasynda geçen tomus ýapylan hem-de oktýabryň ortalarynda açylan bazarlar 14-nji ýanwarda gaýtadan ýapyldy. Bu barada Azatlyk Radiosynyň habarçylary 17-nji ýanwarda habar berdiler. Soňky düzgüne görä, ýapylan bazarlarda diňe gök-bakja önümleri satylýan söwda tekjeleri öz işlerine dowam edýär. Buýruk welaýat häkimligi tarapyndan berildi. 18-nji ýanwarda günüň ikinji ýarymynda Azatlygyň ikinji habarçysy Maryda buýrugyň ýerine ýetirilişini barlady.