COVID-19: Saglyk pudagyna gözegçilik edýän wise-premýer Lebaba sapar etdi

Lebapdaky karantin nokadynda saklanýan adamlaryň käbiriniň koronawirus barlagynyň pozitiw netije görkezendigi baradaky habarlaryň fonunda, ýurduň saglyk pudagyna gözegçilik edýän wise-premýeri sebite sapar etdi. Marynyň häkimiýetleri ilatdan maska geýmek talabyny has-da güýçlendirdi. Türkmenistanda 1-nji noýabrdan başlap dolulygyna petiklemäniň girizilip bilinjekdigi baradaky habarlaryň fonunda, Aşgabatda geçirilýän toý-tomgalaryň we sadakalaryň sany görnetin artdy. Bu barada Azatlyk Radiosynyň dört habarçysy habar berýär.