Marynyň býujet işgärleri pul töläp, teatr oýnuna tomaşa etmäge mejbur edildi

Türkmenistanda teatrlarda sahnalaşdyrylýan oýunlara býujet işgärleriniň töleg töläp, gatnaşmaga we oňa tomaşa etmäge mejbur edilmegi bilen ýagdaýlar dowam edýär. Azatlyk Radiosynyň Marydaky habarçylarynyň biri 22-nji oktýabrda irden Mary şäheriniň Mollanepes köçesiniň ugrunda ýerleşýän Kemine adyndaky drama teatrynda spektakl görkezilendigini we oňa býujet işgärleriniň tomaşaçy hökmünde mejbury gatnaşdyrylandygyny habar berýär. "Her döwlet edarasyndan azyndan 3 adam tomaşaçy hökmünde teatra barmaly edildi.