Tramp, ozalky-prezident Obama kampaniýa ýörişlerinde dil üsti bilen garpyşdylar

ABŞ-nyň prezidenti Donald Tramp we ýurduň ozalky prezidenti Barak Obama garşydaş saýlaw ýörişleriniň dowamynda birek-biregine dilden hüjüm etdiler. Obama özüniň ozalky wise-prezidenti Joe Baýdeniň goldawyna 21-nji oktýabrda Filadelfiýada geçirilen ýörişiň dowamynda eden çykyşynda, Trampyň koronawirus pandemiýasy boýunça çärelerini, ykdysady çökgünlik, jynsy meseleler we saglygy saklaýyş boýunça syýasatyny tankytlady. Şeýle-de, Obama Trampyň şahsyýeti barada gürrüň edip, onuň “wezipä çynlakaý çemeleşmäge ukyply däldigini” aýtdy.