Blinken: Pasoja të mëdha për Rusinë nëse sulmon Ukrainën

Sekretari amerikan i Shtetit Antony Blinken dhe aleatët kryesorë të Uashingtonit në Evropë kanë lëshuar një paralajmërim tjetër për Rusinë për "pasoja të rënda" nëse ajo vepron në mënyrë agresive ndaj Ukrainës. Ky shqetësim vjen pasi kanë kaluar disa javë që Moska ka përforcuar me ushtarë kufirin me Ukrainën. Sekretari Blinken, tha në Berlin më 20 janar, 2022,  se nëse ndonjë forcë ruse lëviz përtej kufirit ukrainas, do të ketë një "përgjigje të shpejtë dhe të ashpër nga Shtetet e Bashkuara dhe aleatët dhe partnerët tonë”.