Qeveria polake: Rreth 7 mijë migrantë ndodhen në Bjellorusi

Qeveria polake njoftoi më 7 dhjetor se rreth 7 mijë migrantë të cilët shpresojnë të arrijnë në Bashkimin Evropian ndodhen në Bjellorusi. “Vlerësojmë që regjimi i Lukashenkos ka kthyer rreth 3 mijë migrantë në Irak dhe Siri, por rreth 7 mijë të tjerë ende janë në territorin e Bjellorusisë”, tha zëdhënësi i shërbimit inteligjent polak, Stanislaw Zaryn për media. Ai shtoi se aktualisht numri i kalimeve ilegale të kufirit mes Polonisë dhe Bjellorusisë ka rënë, por është herët të thuhet që kriza përfundoi.