Në Kroaci konfirmohen dy rastet e para me variantin Omicron

Në Kroaci, më 6 dhjetor janë konfirmuar dy rastet e para me variantin, Omicron të koronavirusit, njoftoi Instituti Kombëtar i Shëndetësisë në Zagreb. “Nuk jemi të sigurt lidhur me burimin e infektimit e as nëse këta dy njerëz kanë udhëtuar jashtë vendit. Besojmë se janë infektuar gjatë një takimi të punës në të cilin të dy personat kishin marrë pjesë”, tha Bernard Kaiq, epidemiolog në Institutin Kombëtar të Shëndetësisë. Sipas tij në këtë takim të punës, kishte të pranishëm edhe mysafirë jashtë Kroacisë.