Tajvani: Avionët kinezë kanë hyrë në zonën e mbrojtjes ajrore

Forcat ajrore të Tajvanit u vendosën në gjendje gatishmërie më 28 nëntor, teksa 27 avionë kinezë hynë në zonën e mbrojtjes ajrore të këtij ishulli, tha Ministria e Mbrojtjes. Në deklaratën e Ministrisë së Mbrojtjes së Tajvanit thuhet se në mesin e avionëve që hynë në zonën ajrore të Tajvanit ishin edhe pesë bombardues H-6, që kanë kapacitete bërthamore, dhe 18 avionë luftarakë. Avionët fluturuan mbi bregdetin jugor deri në Kanalin Bashi. Kina nuk ka komentuar lidhur me këtë njoftim të Tajvanit.