Sllovakia pranon dozat e para të vaksinës ruse

Sllovakia pranoi të hënën 200,000 dozat e para të vaksinës ruse kundër koronavirusit, Sputnik V. Ky është vendi i dytë i Bashkimit Evropian, pas Hungarisë, që siguron këtë vaksinë. Javën e kaluar, Sllovakia ka pasur normën më të lartë në botë të vdekjeve për kokë banori nga koronavirusi. “Është në rregull të blihet vaksina ruse, sepse COVID-19 [sëmundja që e shkakton koronavirusi] nuk di asgjë për gjeopolitikën”, tha kryeministri sllovak, Igor Matoviç. “Unë nuk e kam problem ta marr vaksinën Sputnik”, shtoi ai.