Qeveria e Libanit miraton pakon me reforma ekonomike pas protestave masive

Qeveria e Libanit ka miratuar një pako me reforma ekonomike me qëllim të ndaljes së protestave më të mëdha ndër vite. Kryeministri i Libanit, Saad Hariri e ka bërë këtë njoftim në një konferencë për media më 21 tetor, teksa qindra mijëra njerëz kanë protestuar për të pestën ditë me radhë në rrugë. “Këto vendime nuk janë të menduara si tregti. Ato nuk kërkojnë që ju të ndalni shprehjen e zemërimit. Ai vendim ju takon juve”, u ka thënë Hariri protestuesve. Ai po ashtu ka mbështetur thirrjet e marshuesve për zgjedhje të parakohshme.