Ish presidenti i Perusë tentoi të vetëvritet para se të arrestohet për ryshfet

Ish presidenti i Perusë, Alan Garcia, tentoi të vetëvritet para se policia të arrijë në shtëpinë e tij për ta arrestuar në lidhje me akuzat për ryshfet. BBC raporton se ish presidenti Garcia e qëlloi veten në qafë dhe gjendja e tij shëndetësore është kritike. Ai është akuzuar për marrjen e ryshfetit nga kompania ndërtuese braziliane Odebrecht. Hetuesit thonë se ai mori ryshfet nga kompania gjatë mandatit të tij të dytë në detyrë, lidhur me një projekt të ndërtimit të linjës së metrosë në kryeqytet.