پرتګالی فوټبالر رونالډو: له ملي لوبو د ګوښه کېدو فکر نه دی کړی

پرتګالي فوټبال ستوری کرسټیانو رونالډو وایي، تر اوسه له ملي لوبو د ګوښه کېدو په اړه فکر نه کوي او دا هغه پرېکړه نه ده چې نور یې وغواړي او ترسره یې کړي. د نړیوالو ورزشي وېب پاڼو د راپورونو له مخې کرسټیانو رونالډو چې تر راتلونکو څو ورځو به ۳۷ کلن شي د ۱۱۵ ګولونو په وهلو او د پرتګال د ۱۸۲ لوبو کې د ګډون لپاره په ملي کچه تر ټولو غوره ګول وهونکی بلل شوی دی. رونالډو له سکای سپورټس ټلوېزیوني شبکې سره مرکه کې ویلي، هرکله یې چې احساس وکړ منډه نه شي وهلی او شوټ نه شي کولی د ګوښه کېدو په اړه یې فکر کوي. هغه ویلي چې غواړي فوټبال ته دوام ورکړي.