د طالبانو د حاکمیت یوه میاشت؛ د کابل ځیني اوسېدونکي: لاهم رواني امنیت نه‌لرو

د طالبانو د واکمنۍ له یوې میاشت تېرېدو وروسته د کابل ښار یو شمېر اوسېدونکي وایي چې لا هم رواني امنیت نه‌لري. ‎د دوی په خبره، فزیکي خوندیتوب تر یو بریده لري، خو د سیاسي ناڅرګندو حالاتو، بې‌وزلۍ او بې‌کارۍ له امله رواني خوندیتوب نه‌محسوسوي. ‎طالبانو یوه میاشت وړاندې کابل ته پر ننوتلو په افغانستان ټول‌واک شول. په تېره یوه میاشت کې له پنجشېر پرته د هېواد په نورو ولایتونو کې د جګړو خبرونه نه‌و، خو کابل کې بیا دوه چاودنې وشوې او د ځینو کسانو د هدفي وژلو راپورونه هم خپاره شول، هغه هدفي وژنې چې په...