امریکا د ایران پارلماني ټاکنې د شرم وړ بللي
ټاکل شوې د ایران د پارلماني ټاکنو وروستۍ پایلې نن اعلان شي.
ګمان کېږي چې محافظه کاره او سخت دریځه نوماندان به د دغو ټاکنو ګټونکي وي، دغو ټاکنو کې د خلکو ګډون په بې ساري ډول کم ښودل شوی او امریکا دا ټاکنې د شرم وړ بللي دي.
د ایران د ټاکنو کمېسیون پرون ناوخته وویل چې د رایې ورکونې د ۲۰۸ مرکزونو له ډلې یې د ۷۱ هغو رایې شمېرلي دي.
د دغه کمېسیون ویاند اسماعیل موسوي ویلي، دوی هڅه کوي چې د نن ورځې تر پایه پایلې اعلان کړي.
په هغو ټاکنیزو حوزو کې به په اپریل میاشت کې بیا ټاکنې کېږي چې نوماندانو په کې د اچول شویو رایو ۲۰ فیصده نه دې خپلې کړي.
Заголовки