135.000 på billøp

Det klassiske billøpet Indianapolis 500 vil neste månad bli avvikla med 135.000 tilskodarar. Det blir største publikumstal for noko idrettsarrangement sidan viruspandemien kom. Indianapolis Motor Speedway opplyste onsdag at ein i samråd med lokale helsestyresmakter har komme til at 40 prosent av tilskodarkapasiteten kan nyttast under løpet 30. mai. Bana i Indianapolis er det største idrettsanlegget i verda, med fleire enn 250.000 sitjeplassar på tribunane og plass til nesten 400.000 menneske innanfor portane.