Suveren norsk kombinertsiger

Det norske laget gjorde det bra i hoppbakken og var åleine i tet frå start til mål i langrennet i Oberstdorf. Espen Bjørnstad, Jens Luraas Oftebro, Jørgen Graabak og Jarl Magnus Riiber gjekk kontrollert inn til ein klar siger framfor Tyskland (+1.34) og Japan (+2.50). Rennet er prøve-VM før neste års ski-VM i Oberstdorf. Austerrike sin veteran, Bernhard Gruber, fekk det spesielt hardt, og det som kan ha vore sjukdom hos Gruber øydela konkurransen for Austerrike.