Handballaget til Sverige på bytur

Det svenske heimehåpet i handball-EM har skapt rabalder i Sverige med eit barbesøk. Det var avisa Aftonbladet som meldte om saka først. – Dette er svært beklageleg. Spelarane har bedt om unnskyldning, seier generalsekretæren i det svenske handballforbundet, Robert Wedberg, til Expressen. Det var fire svenske spelarar, tre av dei svært sentrale på laget, som gjekk på byen og bestilte både drinkar og vin i ein bar onsdag. Dei skal ikkje ha oppført seg dårleg, men dei braut reglementet laget har.