Вредноста на уништената опрема за прислушкување е над 1,4 милиони евра

Опремата за прислушување од системот „Најс“ на УБК која беше уништена во 2015  имала употребна вредност од 1.418.897 евра. Ова на денешното сведочење пред судот, за случајот „Таргет-Тврдина“,го соопшти вештакот за материјално, сметководствено и финансиско работење Ѕвонко Кочовски кој ја наведе оваа сума како проценетата вредност на опремата. Тој објасни дека станува збор за вредност на системот за прислушкување „Најс“ во моментот на нејзино уништување по избивањето на аферата за прислушување во јавноста.