Бугарија од вечер со нови мерки против коронавирусот

Мерките против епидемијата на коронавирусот што ги усвои бугарската влада ќе стапат на сила денеска вечер и ќе траат до 21 декември „Нашата цел е да го преполовиме ризикот од инфекција“, рече началникот на кризниот штаб Вентислав Мутачиски, додавајќи дека мерките во Бугарија се „полиберални отколку во другите земји“. Покрај затворањето на градинките, училиштата, колеџите, како и кафулињата, рестораните и трговските центри, ќе бидат забранети организирани туристички патувања, додека спортските настани ќе бидат без публика.