Погребан експретседателот на Египет, ОН бараат истрага за смртта

Соборениот поранешен египетски претседател Мохамед Морси е погребан денеска во Каиро откако вчера почина за време на судењето за обвиненијата против него за шпионажа. Високиот комесар за човекови права на ОН повика на брза, непристрасна, темелна и транспарентна истрага за да се разјасни причината за смртта на Морси. 67-годишниот Морси беше дел од сега забранетото исламистичко движење Муслиманско братство. Тој беше соборен од страна на египетската војска во 2013 година по масовните протести и оттогаш тој беше во притвор.