Рочиште за „крвавиот четврток“: прегледување снимки од собраниските камери

Пратеникот Љубен Арнаудов, кој е обвинет за случувањата во Собранието на 27 април, пред почетокот на денешното рочиште изјави дека не смета оти некој е предавник и дека не знае кој стои зад вчерашното писмо, истакнувајќи и дека не е точно дека имале закани и оти примале пари за гласањето за почнување на процесот на уставните измени. „Ништо не е ветувано за случајот 27 и затоа не сакам да давам никакви информации. Доаѓаме тука да докажеме дека сме невини“, изјави Арнаудов, додавајќи оти нема да се меша во судските одлуки.