Өзбекстан менен Казакстан коронавируска каршы чараларды жандантты

Өзбекстанда коронавирус жуктургандардын көбөйгөнүнө байланыштуу Ташкенттин 12 районунда COVID-19га каршы адистешкен атайын бейтапканалар иштей баштады. Бул тууралуу 29-июнда өлкөнүн Саламаттык сактоо министрлиги билдирди. Маалыматка караганда, атайын бейтапканаларда коронавирусту аныктоо үчүн экспресс жана ПЧР-тесттерди тапшырса да болот. Мындан тышкары ал жайларда бейтаптарга биринчи медициналык жардам көрсөтүлүп, аларды "тез жардам" унаалары менен ооруканаларга жеткирүү, ошондой эле рентгенологиялык изилдөө жүргүзүүгө шарттар бар.