Министр Бекмурзаев вице-спикер инисин жумушка коюуну суранганын айтып чыкты

Жогорку Кеңештин 29-июнундагы жыйынында өкмөт маалымат берип жаткан чакта бир катар депутаттар Энергетика министрлигин жана анын жетекчиси Доскул Бекмурзаевди сындашты. Анда берилген тапшырмалар убагында аткарылбай, чара көрүлбөгөнү тууралуу доомат айтылды. Министр муну өзү башкарган мекеменин каражаты, мүмкүнчүлүгү чектелүү экени, энергетика тармагында абалдын оордугу менен түшүндүргөнгө аракет кылды. Талкууда Бекмурзаев менен вице-спикер Нурбек Сыдыгалиевдин ортосунда кайым айтыш чыкты. Депутат атайын комиссия түзүп...