Бишкек-Ош жолундагы автокырсык үч кишинин өмүрүн алды

Бишкек-Ош жолунда 30-ноябрдын түнү болгон кырсыктан үч киши каза болгонун Өзгөчө кырдаалдар министрлиги билдирди.   Жол кырсыгы  саат 23:08де трассанын 498-чакырымында, Ноокен районундагы Кыпчак-Талаа айылында болгон.  «Дэу Нексия» жана «Мерседес-Бенц Спринтер» автоунаалары кагылышып, бир киши ошол жерден кайтыш болгон. 22 жана 26 жаштагы эки жигит ооруканадан каза болгон. Дагы эки киши жабыркап, Кочкор-Ата шаардык бейтапканасына жеткирилген.  Расмий статистика боюнча 2020-жылдын тогуз айында Кыргызстанда 4184 жол кырсыгы катталган...