Марадонанын өлүмүнөн улам анын дарыгерине иш козголду
Атактуу аргентиналык футболист Диего Марадонанын жеке дарыгери кокусунан киши өлтүрүүгө барган деп шек саналып жатат. Прокуратуранын буйругу менен дарыгер Леопольд Лукенин үйүндө жана жеке кеңсесинде тинтүү жүргүзүлдү.
Тергөө иштери Марадонанын кыздарынын көрсөтмөсүнөн кийин башталды. Алар атасынын өлүмүнө жеке дарыгери күнөөлүү болушу мүмкүн экенин айтышкан.
Легендарлуу футболчу 25-ноябрда жүрөгү кармап, көз жумган. Ноябрь айынын башында анын мээсине операция жасалып, андан соң үйүндө дарыланып жаткан.
Заголовки