Индонезияда Левотоло жанар тоосу атылды
29-ноябрда Индонезиядагы Левотоло жанар тоосу атылып, жергиликтүү тургундар шашылыш үйлөрүн таштап кетүүгө аргасыз болушту.
Жабыркагандар же кыйроолор тууралуу маалымдалган жок. Күбөлөрдүн бири тарткан видеодо тоодон түтүн, күл аралаш булут көтөрүлгөнү көрүнүп турат.
Адистер атырылган түтүн төрт километрге чейин жеткенин айтышат.
Жергиликүү бийлик айланадагы айыл-кыштактардан 3 жарым миңдей киши турак жайларын таштап кетишкенин билдирди.
Индонезияда 130 чакты активдүү вулкан орун алып, бул боюнча өлкө рекорд койгон.
Заголовки