Кой-Таш окуясы боюнча сот Албек Ибраимовдун жоктугуна байланыштуу болбой калды

Кой-Таш окуясы боюнча сотко мурдагы президент Алмазбек Атамбаевге карата козголгон үч иш кошулганына байланыштуу, 27-ноябрга белгиленген сот жараяны болгон жок. Буга «Кой-Таштагы жер тилкеси» боюнча иште айыпталып жаткан экс-мэр Албек Ибраимовдун өлкөдө жоктугу себеп болду. Атамбаевдин адвокаты Замир Жоошевдин «Азаттыкка» билдиргенине караганда, адвокаттар соттон бириктирилген иштерди өз алдынча бөлүп кароону өтүнүшмөкчү. «Биринчи май райондук сотунда каралып жаткан Кой-Таш окуясы тууралуу иштен...