Пакистандын түштүгүндө нөшөрлөгөн жаандан 27 киши өлдү

Пакистанда нөшөрлөп жааган катуу жаан менен чагылгандан улам кеминде 27 киши өлдү. Бийлик 15-ноябрда тараткан маалыматка ылайык, өлкөнүн түштүгүндөгү Синдх деген чөлдүү аймакта чукул кырдаал жарыяланып, ал жакка куткаруучулар жөнөштү. Ондогон киши, көбү балдар менен аялдар түрдүү жаракат алып ооруканаларга жеткирилди. Алар чагылгандан жабыркаган же катуу жааган жаандан улам кулаган бак-дарак, имараттардын алдында калышкан. Куткаруучулар алыскы айылдарга жеткиче каза тапкандардын саны дагы көбөйүшү мүмкүн...