Балдар үйлөрү жана интернаттар боюнча мониторинг жүргүзүлдү

Кыргызстандагы эки атайын мектеп-интернатта жана бир Балдар үйүндө жашаган тарбиялануучулардын көбү келерки эки жыл аралыгында кайрадан үй-бүлөсүнө кайтып, жакындарынын жанында жашоо мүмкүнчүлүгүн алышат. Бул тууралуу “Азаттык” радиосуна “Балдарды коргоочулар лигасы” уюмунун жетекчиси Назгүл Турдубекова билдирди. Анын айтымында, былтыртан бери Красная-Речка,  Дмитриевка жана Военно-Антоновка айылдарында жайгашкан бул мекемелер боюнча мониторинг жүргүзүлгөн: - Жыйынтыгында тарбиялануучулардын беш эле пайызы томолой жетим экени аныкталды.