"Дәрі ішуге мүлдем болмайды" - вице-министр симптомсыз науқастардың емі туралы

Коронавирустың ешқандай симптомы болмаса дәрі ішудің керегі жоқ. Бұл туралы денсаулық сақтау вице-министрі Ажар Ғиният айтты, деп хабарлайды Tengrinews.kz тілшісі. "Мүлдем болмайды. Ауру формасының симптомсыз дегеннің өзі адам ештеңе шағымданбайды, ешқандай белгісі жоқ дегенді білдіреді. Сондықтан ешқандай антибиотик және басқа да препараттарды ішудің керегі жоқ", - деді ол ОКҚ онлайн-брифингінде.  Бұған дейін денсаулық сақтау министрі Алексей Цой Президентке видеоүндеу жолдаған шымкенттік дәрігермен сөйлескенін айтқан.