"Нұрлы Таудағы" ТЖ: куәгерлер оқиғаның қалай болғанын айтты

Куәгерлер 5 желтоқсанда Алматыдағы "Нұрлы-Тау" бизнес орталығының 12-қабатынан ер адам құлап кетіп, мерт болғаны туралы оқиғаның мән-жайын айтып берді, - деп хабарлайды Astana TV. Куәгерлердің айтуынша, бизнес-орталықтың балкондары қауіпті. Сонымен қатар, олардың айтуынша, биік ғимаратқа емін-еркін кіріп-шығуға болады екен.  "Мен жұмысыма кірісіп кеттім. Осы кезде сырттан дыбыстар ести бастадым. Не болғанын білейін деп сыртқа шықтым. Ер адам шатырдан құлап, мерт болған екен", - дейді Темірлан Дүкенбек.