ზელენსკის სიტყვა და კანის კინოფესტივალის დაყოფილი სამყარო

მგონი პირველად ცხოვრებაში, კინორეჟისორების პრესკონფერენციაზე დასწრების სურვილი გამიჩნდა. ჯერ იყო და კირილ სერებრენიკოვისთვის მოვემზადე „ჩამჭრელი კითხვებით“, თუმცა ქართველებს მიკროფონი არ გადმოგვცეს, მერე კი რუმინელი რეჟისორის, კრისტიან მუნჯიუს პრესკონფერენციაზე მისვლა დავგეგმე. ჩემი ერთ-ერთი ყველაზე საყვარელი ავტორის ახალ ფილმს წლებია ველოდები. მუნჯიუ, რომელმაც თავის დროზე დებიუტით მოიგო „ოქროს პალმა“ (ფილმისთვის „4 თვე, 3 კვირა და 2 დღე“), იღებს დიდხანს და მუდმივად ცვლის პროექტებს. მისი ახალი ფილმი „R.M.N“...